КЛІМОВІЧ (КЛИМОВИЧ) Філімон Васілевіч

[1882, в. Відзенічы Магілёўскай губ., цяпер Талачынскі р-н Віцебскай вобл. — ?]. Беларус. З сялянскай сям’і. Падчас арышту працаваў у калгасе «Новае Жыццё». Арыштаваны 13.1.1941. Абвінавачваўся ў «правядзенні сярод насельніцтва антысавецкай царкоўнай агітацыі, накіраванай супраць савецкай улады і калгаснага будаўніцтва». Вызвалены 9.6.1941. Далейшы лёс невядомы. Асабовая справа К. захоўваецца ў архіве УКДБ Віцебскай вобл.

Кр.: Афіцыйны сайт Віцебскай епархіі; БНДЦЭД.