КАРПУШАЎ (КАРПУШЕВ) Кірыл Венядзіктавіч

[1884, в. Нічыпаравічы Горацкага пав. Магілёўскай губ., цяпер Шклоўскі р-н Магілёўскай вобл. — 1937 (?), Магілёў, турма НКВД], царкоўнаслужыцель. Беларус. З сялянскай сям’і. Арыштаваны ў верас. 1937 у роднай вёсцы (?). Асуджаны 28.9.1937 тройкай НКВД за «контррэвалюцыйную дзейнасць» да ВМП. Расстраляны. Рэабілітаваны 9.4.1966 пастановай Магілёўскага абл. суда. Групавая справа К. і інш. № 9171 захоўваецца ў архіве УКДБ Магілёўскай вобл.

Кр.: БНДЦЭД.