КАРОТКІ (КОРОТКИЙ) Мікалай Міхайлавіч

[1874, в. Благавічы Чавускага пав. Магілёўскай губ., цяпер Чавускі р-н Магілёўскай вобл. — ?]. Беларус. З сям’і свяшчэннаслужыцеля. Скончыў Магілёўскую духоўную семінарыю, рукапаложаны ў іерэя. Служыў у  Крыжаўздзвіжанскім храме в. Замачак Сенненскага пав. Магілёўскай губ., цяпер Чашніцкі р-н Віцебскай вобл. З 1912 настаяцель Мікалаеўскай царквы ў роднай вёсцы. Арыштаваны 15.9.1929. Асуджаны 20.1.1930 асобай нарадай НКВД за «антысавецкую дзейнасць» да 3 гадоў ППК. Далейшы лёс невядомы. Рэабілітаваны 16.1.1989 пастановай прэзідыума Вярхоўнага суда СССР. Асабовая справа К. № 9800 захоўваецца ў архіве УКДБ Магілёўскай вобл.

Кр.: Памятная книжка Могилевской губернии; БНДЦЭД.