ІГНАТОВІЧ (ИГНАТОВИЧ) Дзімітрый Якаўлевіч

[1870, в. Царкоўна Дрысенскага пав. Віцебскай губ., цяпер Верхнядзвінскі р-н Віцебскай вобл. — 7.10.1937, Віцебск, турма НКВД], службовец, святар. Беларус. З сям’і свяшчэннаслужыцеля. Верагодна, скончыў Віцебскую духоўную семінарыю. У 1910-я г. служыў у павятовым паліцэйскім упраўленні ў Рэчыцы Віцебскага пав. Арыштаваны 18.9.1937 у Віцебску па адрасе: вул. 2-я Піянерская, д. 9. Асуджаны 28.9.1937 з 40  свяшчэнна- і царкоўнаслужыцелямі і актыўнымі прыхаджанамі тройкай НКВД за «контррэвалюцыйную дзейнасць» да ВМП з канфіскацыяй маёмасці. Расстраляны. Рэабілітаваны 28.7.1956 прэзідыумам Віцебскага абл. суда. Групавая справа І. і інш. захоўваецца ў архіве УКДБ Віцебскай вобл.

Кр.: НАРБ, ІКБР.