ДАВЫДОВІЧ-ЖАВАРАНКАВА (ДАВЫДОВИЧ-ЖАВОРОНКОВА) Аляксандра

[1888 (?), мяст. Гельвані Віленскага пав. — ?], медык, дачка протаіерэя Іаана Давыдовіча. Скончыла Марыінскае жаночае вучылішча, Пецярбургскі медыцынскі інстытут (1916). У 1921—23 працавала ўрачом у Іаанаўскім манастыры, актыўная прыхаджанка яго храмаў. Потым — урач хірургічнага аддзялення бальніцы імя Эрысмана і амбулаторыі Механічнага завода № 7. Аказвала на даму медыцынскую дапамогу былым сёстрам манастыра. Арыштавана ў сак. 1932. Асуджана 22.3.1932 да 5 гадоў ППК. Этапавана ў  Карагандзінскі канцлагер НКВД Казахскай ССР (?). Пастановай ад 29.5.1935 вызвалена датэрмінова. У  1950-я г. жыла ў Грозным Чачэна-Інгушскай АССР. Далейшы лёс невядомы.

Літ.: Санкт-Петербургской епархии Синодик.