ГОЛУБАЎ (ГОЛУБОВ) Барыс Якаўлевіч

Беларус. З сям’і свяшчэннаслужыцеля. У пачатку 1900-х г. настаўнік прыходскай школы пры Пакроўскім храме в. Чырвоная Буда Гомельскага пав. Магілёўскай губ., цяпер Добрушскі р-н Гомельскай вобл. 18.10.1906 прызначаны псаломшчыкам храма. З 1911 настаяцель Мікалаеўскай царквы в. Вуць (тагачасны паштовы адрас: ст. Насавічы) Гомельскага пав. Магілёўскай губ., цяпер Добрушскі р-н Гомельскай вобл. Адначасова выкладаў у прыходскім вучылішчы. Рэпрэсаваны ў 1929. Далейшы лёс невядомы.

Кр.: Памятная книжка Могилевской губернии; Дзяржаўны архіў Гомельскай вобл., ф. 896, в. 1, с. 43, л. 52, с. 80, л. 375.