ГНЯДОЎСКІ (ГНЕДОВСКИЙ) Пётр

[1863, в. Курына Віцебскага пав., цяпер Віцебскі р-н — ?], сын Сімяона Гнядоўскага і, верагодна, брат Іаана Гнядоўскага і  Мікалая Гнядоўскага. Скончыў духоўную семінарыю, рукапаложаны ў іерэя (1885). Служыў у Мікалаеўскай царкве ў роднай вёсцы, благачынны 3-й акругі цэркваў Віцебскага пав. Арыштаваны 27.11.1929. Асуджаны 29.1.1930 асобай нарадай пры АДПУ за «антысавецкую агітацыю» дa ВМП з канфіскацыяй маёмасці. Расстраляны. Рэабілітаваны 28.3.1989 пракуратурай Віцебскай вобл. Асабовая справа Г. захоўваецца ў архіве УКДБ Віцебскай вобл.

Кр.: Памятная книжка Витебской губернии; БНДЦЭД.