ХРАПАВІЦКІ Віктар Іванавіч

[н. 1937], з 1959 студэнт Беларускага політэхнічнага інстытута. Паводле дадзеных следства, вясной 1962 па ініцыятыве С.Ханжанкова разам з Г.Сярогіным Х. увайшоў у склад антысавецкай арганізацыі, якая мела праекты праграмы і статута. Група здабыла друкарскі шрыфт дзеля друкавання ўлётак, зброю і ўзрыўчатку з мэтай падрыву ў Мінску радыёглушыцеля. Асуджаны па артыкуле «антысавецкая агітацыя і прапаганда» 7.10.1963 да 8 гадоў ППК. Этапаваны ў Дубраўны канцлагер МУС Мардоўскай АССР. Пасля падачы заявы аб памілаванні тэрмін зняволення быў зніжаны да 5 гадоў. Далейшы лёс невядомы.

Кр.: ДА РФ. Ф. 8131, воп. 31, спр. 95626, 95627.

Літ.: 580, с. 642.