РУБАНЦ Н. А.

[н. 1937], жыхар Баранавіцага р-на Брэсцкай вобл., навучэнец. Падчас арышту вучыўся ў 5-м класе СШ. Паводле дадзеных следства, 22.5.1953, рыхтуючыся да экзаменаў, напісаў каляровымі алоўкамі дзве лістоўкі з заклікам да паўстання супраць савецкай улады, намаляваў на іх свастыку і «амерыканскі знак». Лістоўкі павесіў на тэлеграфным слупе. Асуджаны паводле артыкула «антысавецкая агітацыя і прапаганда» 25.7.1953. Далейшы лёс невядомы.

Кр.: ДА РФ. Ф. 8131, воп. 31, спр. 39918.

Літ.: 580, с. 165—166.