ЛУЦЭВІЧ Антон Аляксандравіч

[жн. 1907, хут. Гаpадзішча Слуцкага пав. Мінскай губ., цяпер Слуцкі р-н Мінскай вобл. — ?], літаратурны работнік. З сялянскай сям’і. У 1925—33 член ЛКСМБ. Атрымаў вышэйшую адукацыю. Падчас арышту супрацоўнік газ. «Звязда». Быў жанаты, гадаваў дзіця. Арыштаваны 8.4.1935 у Мінску па адрасе: вул. Маскоўская, д. 24/42. Асуджаны пазасудовым органам НКВД 4.11.1935 як «член контррэвалюцыйнай нацдэмаўскай арганізацыі» і за «контррэвалюцыйную агітацыю» да 8 гадоў папраўча-працоўных работ. Этапаваны ў Ваpкуцінскі папраўча-працоўны канцлагер Каpэльскай АССР, затым пераведзены ў адзін з канцлагераў НКВД Хабараўскага краю. Вызвалены 8.5.1943. Ваяваў на фронце, трапіў у палон. Зноў вызвалены ў 1944 (?). З 1957 жыў у Горлаўцы Данецкай вобл. Далейшы лёс невядомы. Рэабілітаваны пленумам Вярхоўнага суда СССР 15.2.1961. Асабовая справа Л. № 12864-с з фотаздымкам захоўваецца ў архіве КДБ Беларусі.

Кр. геагр.: Назвы населеных пунктаў.

[Паводле кнігі: т. III, кн. 2, с. 42]