ЛАЗАРЭВІЧ Ірына Іванаўна

[1926, мяст. Крывічы Вілейскага пав. Віленскага ваяв., цяпер Мядзельскі р-н Мінскай вобл. — ?], служачая. З сялянскай сям’і. Мела незакончаную сярэднюю спецыяльную адукацыю. У час 2-й сусветнай вайны заставалася на акупаванай тэрыторыі, працавала рахункаводам Крывіцкай раённай канторы сувязі. Арыштавана 3.11.1944. Асуджана 11.4.1945 як «член нацыяналістычнай арганізацыі СБМ» да 10 гадоў папраўча-працоўных работ і 5 гадоў пазбаўлення правоў з канфіскацыяй маёмасці. Этапавана ў адзін з канцлагераў Краснаярскага краю, затым у Тайшэцкі канцлагер МДБ Іркуцкай вобл. Вызвалена ў 1954. Далейшы лёс невядомы. Рэабілітавана судовай калегіяй па крымінальных справах Вярхоўнага суда БССР 17.7.1962. Асабовая справа Л. № 17775-с захоўваецца ў архіве КДБ Беларусі.

Кр. геагр.: Назвы населеных пунктаў.