ФІГЛОЎСКАЯ Ганна Васілеўна

[1918, в. Гармонава Мсціслаўскага пав. Магілёўскай губ., цяпер Мсціслаўскі р-н Магілёўскай вобл. — ?], ?. З бел. сялянскай сям’і. Мела незакончаную вышэйшую адукацыю. Падчас 2-й сусветнай вайны санітарка ваеннага шпіталя № 273. Арыштавана 26.11.1943. Асуджана асобай нарадай пры НКВД 24.3.1945 за «здраду радзіме» да 10 гадоў ППК. Этапавана ў Волжскі будаўнічы канцлагер МДБ Яраслаўскай вобл. Далейшы лёс невядомы. Рэабілітавана трыбуналам БВА 18.9.1956. Асабовая справа Ф. № 2249-сн захоўваецца ў архіве УКДБ Магілёўскай вобл.