САЛАВЕЙ Фёдар Антонавіч

[1913, в. Прошчыцы Слуцкага пав. — 19.8.1942, ГУЛАГ], верагодна, брат Уладзіміра Антонавіча і Івана Антонавіча Салаўя. З бел. сялянскай сям’і. Атрымаў сярэднюю або сярэднюю спецыяльную адукацыю. Падчас арышту токар завода імя Варашылава ў Мінску. Арыштаваны 11.11.1932. Асуджаны 10.4.1933 паводле пастановы калегіі АДПУ за «антысавецкую дзейнасць» да 3 гадоў ППК. Этапаваны ў Паўночна-чыгуначны канцлагер АДПУ Комі АССР (Пячора). Загінуў у зняволенні. Рэабілітаваны трыбуналам БВА 31.5.1968. Асабовая справа С. № 25668-с з фотаздымкам захоўваецца ў архіве КДБ Беларусі.