МАРЦІНКЕВІЧ Іван Іванавіч

[1905, в. Вуглы Барысаўскага пав. Мінскай губ., цяпер Барысаўскі р-н Мінскай вобл. — ?], педагог, навуковец. З сялянскай сям’і. Атрымаў вышэйшую адукацыю. Уступіў у ВКП(б). Падчас арышту супрацоўнік БелАН. Арыштаваны 3.3.1938 у Мінску па адрасе: вул. Савецкая, д. 33, кв. 5. Абвінавачваўся як «агент польскай разведкі». 18.8.1938 вызвалены з улікам тэрміну папярэдняга зняволення асобай нарадай пры НКВД. Рэабілітаваны пракуратурай БВА 30.4.1989. Асабовая справа М. № 24265-с з фотаздымкам захоўваецца ў архіве КДБ Беларусі.

Кр. геагр.: Назвы населеных пунктаў.

[Паводле кнігі: т. III, кн. 2, с. 90]