ЦВІРКА Станіслаў Антонавіч

[1903, Мінск — ?], акцёр. З сям’і рабочага. Атрымаў сярэднюю адукацыю. Падчас арышту працаваў у Польскім дзяржаўным тэатры БССР. Арыштаваны 17.3.1933 у Мінску па адрасе: вул. Чырвонаармейская, д. 46, кв. 4. Асуджаны «тройкай» НКВД 5.6.1933 як «агент польскай разведкі» да 3 гадоў пазбаўлення волі. Далейшы лёс невядомы. Рэабілітаваны пракуратурай БВА 31.10.1989. Асабовая справа Ц. № 29890-с з фотаздымкам захоўваецца ў архіве КДБ Беларусі.