МІХНЮК Сямён Пятровіч

[1902, в. Кваліцікі Слуцкага пав. Мінскай губ., цяпер Слуцкі p-н Мінскай вобл. — ?], навуковец. З сялянскай сям’і. Атрымаў вышэйшую адукацыю. Падчас арышту навуковы супрацоўнік Віцебскага ветэрынарнага інстытута. Быў жанаты, гадаваў дзіця. Арыштаваны 28.5.1933 у Віцебску па адрасе: вул. Свяpдлова, д. 19. Асуджаны паводле пастановы калегіі АДПУ СССР 9.7.1933 як «член контррэвалюцыйнай шпіёнска-шкодніцкай арганізацыі ў сістэме жывёлагадоўлі» да 5 гадоў папраўча-працоўных работ. Этапаваны ў Дзмітpаўскі канцлагер Маскоўскай вобл. Вызвалены 11.9.1936. Далейшы лёс невядомы. Рэабілітаваны трыбуналам БВА 21.8.1956. Групавая справа М. і іншых № 10333-с захоўваецца ў архіве КДБ Беларусі.