ШЫНКЕВІЧ Андрэй Цярэнцевіч

[1901, в. Пякалічы Бабруйскага пав. Мінскай губ., цяпер Жлобінскі р-н Гомельскай вобл. — ?], навуковец. З сялянскай сям’і. З 1919 у Чырвонай арміі. Атрымаў вышэйшую адукацыю. Уступіў у ВКП(б). У 1933 сакратар парткама БДУ. У 1936—37 начальнік упраўлення адукацыі дарослых наркамата асветы БССР, адначасова аспірант БДУ. Арыштаваны 28.8.1938 у Мінску па адрасе: вул. Кастрычніцкая, д. 3, кв. 4. Асуджаны асобай нарадай пры НКВД 15.8.1939 як «член контррэвалюцыйнай арганізацыі» і за «шкодніцтва ў галіне асветы» да 8 гадоў ППК. Этапаваны ў адзін з канцлагераў Новасібірскай вобл. Другі раз арыштаваны 4.5.1949 і 31.8.1949 асуджаны да ссылкі ў в. Верхняя Омка Татарскага р-на. Вызвалены ў 1955. Рэабілітаваны судовай калегіяй па крымінальных справах Вярхоўнага суда БССР. Далейшы лёс невядомы. Асабовая справа Ш. № 5914-с з фотаздымкам захоўваецца ў архіве КДБ Беларусі.

[Паводле кнігі: т. III, кн. 2, с. 466–467]