РУДНІЦКІ Васіль Рыгоравіч

[1899, в. Пакелеўка (?) Мсціслаўскага пав. Магілёўскай губ., цяпер Мсціслаўскі (?) р-н Магілёўскай вобл. — ?], педагог. З сям’і службоўца. Атрымаў вышэйшую адукацыю. Падчас арышту дырэктар Калінінскага педагагічнага інстытута ў Клімавічах (?). Арыштаваны 11.12.1936. Асуджаны пазасудовым органам НКВД 27.10.1938 за «контррэвалюцыйную нацдэмаўскую дзейнасць» да 5 гадоў пазбаўлення волі. Далейшы лёс невядомы. Рэабілітаваны пастановай прэзідыума Вярхоўнага суда БССР ад 13.6.1956. Асабовая справа Р. № 5382 захоўваецца ў архіве УКДБ Магілёўскай вобл.