СМІРНОЎ Андрэй Георгіевіч

[1898, в. Обаль Полацкага пав. Віцебскай губ., цяпер Шумілінскі р-н Віцебскай вобл. — ?], навуковец. З сям’і святара. Атрымаў вышэйшую адукацыю. Падчас арышту загадчык аддзела размнажэння і селекцыі Навукова-даследчага інстытута свінагадоўлі. Быў жанаты, гадаваў дваіх дзяцей. Арыштаваны 23.5.1933 пад Мінскам у саўгасе «Малая Сляпянка». Асуджаны паводле пастановы калегіі АДПУ СССР 9.7.1933 як «член антысавецкай шпіёнскай шкодніцкай арганізацыі ў сістэме жывёлагадоўлі БССР» да 5 гадоў ППК. Этапаваны ў Сібірскі канцлагер НКВД Кемераўскай вобл. (Марыінск, Новасібірск). Вызвалены 12.10.1937. Далейшы лёс невядомы. Рэабілітаваны трыбуналам БВА 21.8.1956. Групавая справа С. і іншых № 10333-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.

[Паводле кнігі: т. III, кн. 2, с. 300]