ЛЯХ Сямён Андрэевіч

[1895, в. Стан (?) Лепельскага пав. Віцебскай губ., цяпер Лепельскі (?) р-н Віцебскай вобл. — 15.9.1937, Ленінград, НКВД], вайсковец. З бел. сялянскай сям’і. У 1928 уступіў у ВКП(б). Падчас арышту начальнік аб’яднанай ваенізаванай пажарнай каманды завода «Чырвонасцяжнік». Арыштаваны 5.8.1937 у Ленінградзе. Асуджаны камісіяй НКВД і пракуратуры СССР 31.8.1937 за «шпіянаж», «спробу правядзення тэрарыстычых актаў» і «ўдзел у контррэвалюцыйнай тэрарыстычнай арганізацыі» да ВМП. Расстраляны.

Кр.: Ленинградский мартиролог.