ЛЯСКОВІЧ Вітольд Станіслававіч

[1891, Вільнюс — 5.4.1941, ГУЛАГ], памешчык. З польскай шляхецкай сям’і. Атрымаў вышэйшую адукацыю. Да арышту жыў у сваім маёнтку Філіпішкі ў Лідскім пав. Віленскай губ. Арыштаваны 27.9.1939. Асуджаны 9.1.1941 асобай нарадай НКВД як «сацыяльна-небяспечны элемент» да 8 гадоў ППК. Этапаваны ў адзін з канцлагераў НКВД Комі АССР. Загінуў у зняволенні. Рэабілітаваны 11.10.1989 пракуратурай Гродзенскай вобл. Асабовая справа Л. № П-10460 з фотаздымкам захоўваецца ў архіве УКДБ Гродзенскай вобл.