РАБКАВЕЦ Кірыл Васілевіч

[12.11.1899, в. Камень Пінскага пав. Мінскай губ., цяпер Пінскі р-н Брэсцкай вобл. — ?], журналіст. З сялянскай сям’і. Атрымаў сярэднюю адукацыю. Уступіў у ВКП(б). Падчас арышту нам. старшыні Беларускага дзяржаўнага радыёкамітэта. Быў жанаты, гадаваў траіх дзяцей. Арыштаваны 11.10.1936 у Мінску па адрасе: вул. Кіpава, д. 16, кв. 1. Асуджаны пазасудовым органам НКВД 30.12.1936 за «тpацкісцкія выступы па pадыё» і «незаконнае захаванне зброі» да 6 гадоў ППК і 3 гадоў пазбаўлення правоў. Этапаваны ў адзін з канцлагераў НКВД Комі АССР. Далейшы лёс невядомы. Рэабілітаваны Вярхоўным судом БССР 13.7.1963. Асабовая справа Р. № 12868-с з фотаздымкам захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.