ТУРБОВІЧ Дора Рыгораўна

[1899, мяст. Індура Гро­дзенскага пав. Гродзенскай губ., цяпер вёска ў Гродзенскім р-не — 20.12.1937, Мінск, НКВД], педагог, гісторык. З сям’і службоўца. Атрымала вышэйшую адукацыю. Уступіла ў ВКП(б). Выйшла замуж, гадавала дваіх дзяцей. Арыштавана 2.3.1937 у Мінску па адрасе: вул. Бeлаpуcкaя, д. 4, кв. 13. Асуджана пазасудовым органам НКВД 19.12.1937 як «члeн контррэвалюцыйнай дывepcійна-шкодніцкай арганізацыі» да BMП з канфіскацыяй маёмасці. Рэабілітавана ваеннай калегіяй Вярхоўнага суда СССР 29.12.1966. Асабовая справа Т. № 19636-c захоўваецца ў архіве КДБ Беларусі.