ДРАЖВЕЦКІ Дзмітрый Васілевіч

Нарадзіўся ў студз. 1897 ва ўкраінскай сялянскай сям’і. У 1919—21 ваяваў у складзе Чырвонай арміі. Атрымаў вышэйшую адукацыю. Ажаніўся, гадаваў дзіця. Арыштаваны ў Мінску 15.12.1935 па адрасе: вул. Свярдлова, д. 40, кв. 3. Асу­джаны пазасудовым органам НКВД 23.2.1936 за «антысавецкую агітацыю» да 5 гадоў ППК. Этапаваны на ст. Сяданка (цяпер Прыморскі край). 8.8.1938 «тройкай» НКВД прыгавораны як «член сабатажнай групоўкі» да ВМП. Расстраляны ў першую пасля прыгавору ноч. Справа Д. № 7747-с захоў­ваецца ў архіве КДБ Беларусі.