ГУНЬКО Яўген

[1914, Мядзельшчына — ?], удзельнік 2-й сусветнай вайны, вязень савецкіх канцлагераў. З 1943 жаўнер 2-га Польскага корпуса пад камандаваннем генерала Андэрса. Удзельнік італьянскай кампаніі. Пасля вайны вярнуўся ў Беларусь. У 1951 арыштаваны органамі МДБ і разам з сям’ёй дэпартаваны ў Іркуцкую вобл. Пасля вяртання з Сібіры жыў у в. Восава Мядзельскага р-на Мінскай вобл.

Літ.: Беларусы ў бітве за Монтэ-Касіна. Мн., 2004. С. 46.

[Паводле кнігі: т. III, кн. 2, с. 557]