БУЗУК (БУЗЮК) Міхаіл Іванавіч

[17. 1. 1899, в. Рэцемка Навагрудскага пав. Мінскай губ. — ?], навуковец, педагог. З бел. сялянскай сям’і. Да арышту дацэнт кафедры аграхіміі Горацкага сельскагаспадарчага інстытута. Быў жанаты, гадаваў дзіця. Арыштаваны 24.8.1937. Асуджаны 28.10.1937 «тройкай» НКВД за «шпіёнскую дзейнасць» да ВМП з канфіскацыяй маёмасці. Расстраляны. Рэабілітаваны 24.2.1989 пленумам Вярхоўнага суда БССР. Справа Б. № 9707 захоўваецца ў архіве УКДБ Магілёўскай вобл.

[Паводле кнігі: т. III, кн. 2, с. 525]