БЕРКУТАЎ Мікалай Сяргеевіч

[1922, в. Гурэц Сенненскага пав. Магілёўскай губ., цяпер Чашніцкі р-н Віцебскай вобл. — ?], З сялянскай сям’і. Меў незакончаную вышэйшую адукацыю. Удзельнік партызанскага руху ў 1943—44, член КПСС з 1944. Да арышту адказны сакратар рэдакцыі раённай газ. ў г. п. Астравец Гродзенскай вобл. Арыштаваны 31.3.1945. Абвінавачваўся ў «здрадзе радзіме» і «сувязі з нямец­кімі акупацыйнымі ўладамі». Этапаваны ў адзін з канц­лагераў НКВД Комі АССР. Вызвалены і рэабілітаваны 4—30.8.1945 следчай групай НКВД Комі АССР. Далейшы лёс невядомы. Асабовая справа Б. № П-6635 захоўваецца ў архіве УКДБ Гродзенскай вобл.

Кр. геагр.: Волости и важнейшие селения; Рапановіч. Слоўнік назваў населеных пунктаў.