БАНДАРЭНКА Паліна Міхайлаўна

[1913, в. Студзянец Ваўкавыскага пав. Гродзенскай губ., цяпер Ваўкавыскі р-н Гродзенскай вобл. — ?], кветкавод. З бел. сялянскай сям’і. Да арышту працавала ў Брэсцкім трэсце зялёных насаджэнняў. Была замужам, гадавала дзіця. Арыштавана 2.1.1950. Асуджана 28.2.1950 за «антысавецкую агітацыю» да 5 гадоў ППК. Далейшы лёс невядомы. Рэабілітавана 15.7.1964 пленумам Вярхоўнага суда СССР. Асабовая справа Б. № 5858-с з фотаздымкам захоўваецца ў архіве УКДБ Брэсцкай вобл.

Кр. геагр.: Волости и важнейшие селения; Рапановіч. Слоўнік назваў населеных пунктаў.