БУДЗЬКА Іван Мікалаевіч

[1922, пас. Горкі, цяпер Любаньскага р-на Мінскай вобл. — ?], навучэнец, сын Алены Будзька. Арыштаваны з маці, братамі і сёстрамі. Асуджаны пазасудовым органам НКВД 1.8.1935 як «член сям’і арганізатара банды С. Н. Булак-Балаховіча» да высылкі. Этапаваны з сям’ёй у пас. Ежма Пінежскага р-на Архангельскай вобл. Вызвалены з братам Міхаілам Будзькам 10.7.1941. З 1941 да 1944 удзельнічаў у 2-й сусветнай вайне, цяжка паранены, стаў інвалідам. Далейшы лёс невядомы. Рэабілітаваны пракуратурай Рэспублікі Беларусь 30.9.1992.