БОГАН Павел Наркісавіч

[1905, в. Стахаўка Віленскай губ., цяперашняе месцазнаходжанне не ўстаноўлена — 9.12.1937, Масква, НКВД], службовец. З бел. сялянскай сям’і. Атрымаў вышэйшую адукацыю. Падчас арышту інжынер-нарміроўшчык Шчолкаўскага хімічнага завода. Арыштаваны 13.11.1937 у Маскве па адрасе: Ружэйны зав., д. 43, кв. 13. Асуджаны камісіяй НКВД СССР 1.12.1937 за «контррэвалюцыйную дзейнасць» да ВМП. Расстраляны на палігоне НКВД «Аб’ект Бутава». Рэабілітаваны 28.11.1989. Асабовая справа Б. захоўваецца ў ДА РФ.

Літ.: Бутовский Полигон.