БАГДАНОВІЧ Іван Васілевіч

[1887, мяст. Слабада Дзісенскага пав. Віленскай губ., цяпер Міёрскі р-н Віцебскай вобл. — ?], навуковец. З сям’і святара. Атрымаў вышэйшую адукацыю. Удзельнік грамадзянскай вайны (з 1919 у Чырвонай арміі). Падчас арышту сакратар вучэбнай часткі Беларускага політэхнічнага інстытута. Быў жанаты, гадаваў дзіця. Арыштаваны 26.9.1933 у Мінску па адрасе: вул. Шыpокая, д. 48. Асуджаны паводле пастановы калегіі АДПУ СССР 9.1.1934 як «член контррэвалюцыйнай арганізацыі БНЦ» да 3 гадоў папраўча-працоўных лагераў (заменена на ссылку). Вызвалены 26.9.1936. Далейшы лёс невядомы. Рэабілітаваны трыбуналам БВА 18.4.1956. Асабовая справа Б. № 10182-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.