АМУСІН Іосіф Давыдавіч

[16.11.1910, Віцебск —12.6.1984], расійскі гісторык. У другой палове 1920-х г. арыштаваны і высланы ў Казань. Зноў арыштаваны 14.2.1933. Вызвалены 29.10.1933. У 1941 скончыў Ленінградскі ун-т. У 2-ю сусветную вайну на фронце. Пасля працаваў у педагагічных інстытутах Ульянаўска і Горкага. З 1960 у Ленінградскім аддзяленні Інстытута Усходазнаўства Акадэміі навук СССР. Адзін з заснавальнікаў савецкага кумраназнаўства. Адным з першых савецкіх гісторыкаў выказаў меркаванне пра гістарычнасць Ісуса Хрыста. Аўтар артыкулаў па розных аспектах гісторыі Ст. Грэцыі і Рыму. Рэабілітаваны 28.8.1989.

Тв.: Находки у Мертвого моря. М., 1965; Кумранская община. М., 1983.

Літ.: БелЭН.