АЛУФ Хацкель Шмуйлавіч

[1885, Полацк Віцебскай губ., цяпер райцэнтр Віцебскай вобл. — 20.2.1939, Масква, НКВД], медык, фармацэўт. Да ўступлення ў ВКП(б) быў членам меншавіцкай партыі. Падчас арышту начальнік Галоўнай аптэчнай інспекцыі наркамата аховы здароўя. Арыштаваны 16.7.1938 у Маскве па адрасе: Малы Ніколапяскоўскі зав., д. 6, кв. 5. Асуджаны 20.2.1939 за «ўдзел у контррэвалюцыйнай арганізацыі» і за «шкодніцтва» да ВМП. Расстраляны. Пахаваны разам з іншымі ахвярамі на Данскіх могілках. Рэабілітаваны ваеннай калегіяй Вярхоўнага суда СССР 4.2.1956.