КАМЕНСКІ Людвік

[2-я палова 18 ст. — 1-я палова 19 ст.], паліт. дзеяч. З шляхецкага роду герба «Роля». Быў эйшышскім шамбелянам і харунжым. У канцы мая 1794 узначаліў паўстанцкі Вайсковы камісарыят у Вільні. 3.6.1794 дэлегаваны жыхарамі Вільні да Т. Касцюшкі ў справах утварэння Цэнтральнай дэпутацыі ВКЛ і арганізацыі рэгулярнай абароны Вільні. У жн.—вер. 1794 уваходзіў у Дэпутацыю па рэвізіі вайсковых лазарэтаў. Магчыма, пяру К. належаць вершы патрыятычнага характару. Арыштаваны пасля задушэння паўстання. Амнісціраваны.

Лiт.: PSB. IХ/4. z. 51.