КАЛІНІЧЭНКА Марта Іванаўна

[27.4.1894, Ціраспаль, цяпер Малдова — ?], педагог. З сялянскай сям’і. Атрымала вышэйшую адукацыю. Уступіла ў ВКП(б). У 1930-я г. выкладала у МБПТ. Арыштавана 3.10.1938 у Мінску па адрасе: вул. Савецкая, д. 83, кв. 3. Асуджана асобай нарадай пры НКВД 5.8.1939 за «ўдзел у контррэвалюцыйнай нацыянал-фашысцкай арганізацыі» і «шкодніцкую дзейнасць у сістэме народнай адукацыі» да 5 гадоў папраўча-працоўных лагераў. Далейшы лёс невядомы. Рэабілітавана судовай калегіяй па крымінальных справах Вярхоўнага суда БССР 2.8.1956. Справа К. № 6745-с захоўваецца ў архіве КДБ Беларусі.

Кр. геагр.: Административно-территориальное деление союзных республик.