КРАЧКОЎСКІ Кліменцій Станіслававіч

[1905, в. Каселаны Холмскага пав. Люблінскай губ., цяпер Польшча — 8.5.1938, Магадан, НКВД], інжынер, верагодна, брат Івана і Станіслава Крачкоўскіх. У 1926 нелегальна прыбыў з Польшчы. Атрымаў вышэйшую адукацыю. Працаваў інжынерам-тэхнолагам у БелАН. Быў жанаты, гадаваў дзіця. Арыштаваны ў Мінску 3.11.1935 па адрасе: вул. Савецкая, д. 24, кв. 17. Асуджаны 10.4.1936 за «падазрэнне ў шпіёнскай дзейнасці» да 5 гадоў папраўча-працоўных работ. Паўторна асуджаны «тройкай» НКВД 30.4.1938 за «контррэвалюцыйную трацкісцкую агітацыю» да ВМП. Расстраляны. Рэабілітаваны па першай справе (№ 10645-с, захоўваецца ў архіве КДБ Беларусі) трыбуналам БВА 6.8.1957, па другой ваеннай калегіяй Вярхоўнага суда СССР 30.7.1957.

Кр.: За нами придут корабли: Список реабилитированных лиц, смертные приговоры в отношении которых приведены в исполнение на территории Магаданской области. Магадан, 1999.