КАЛІНОЎСКАЯ Таццяна Антонаўна

[1904, Саратаў, Расія — ?], спявачка. З сям’і службоўца. Мела незакончаную вышэйшую адукацыю. Выйшла замуж, гадавала дваіх дзяцей. У час 2-й сусветнай вайны заставалася на акупаванай тэрыторыі, працавала ў тэатры оперы і балета. Арыштавана 16.12.1944 у Мінску па адрасе: пас. Фрунзе, д. 6, кв. 1. Асуджана 3.10.1945 як «сацыяльна-небяспечны элемент» і за «работу ў оперным тэатры ў Мінску падчас нямецка-фашысцкай акупацыі» да 5 гадоў папраўча-працоўных лагераў. Далейшы лёс невядомы. Рэабілітавана ваеннай калегіяй Вярхоўнага суда БССР 24.5.1957. Асабовая справа К. № 10324-с захоўваецца ў архіве КДБ Беларусі.