КУЗМІЧ Уладзімір Савіч

[1904, Бахмач Чарнігаўскай губ., цяпер Чарнігаўская вобл., Украіна — ?], член Саюза пісьменнікаў СССР. З бел. сям’і. Атрымаў вышэйшую адукацыю. Арыштаваны 11.9.1942 у Алма-Аце. Асуджаны асобай нарадай НКВД СССР 5.6.1943 за «антысавецкую агітацыю» і як «член контррэвалюцыйнай арганізацыі» да 10 гадоў папраўча-працоўных лагераў. Рэабілітаваны спецыяльнай камісіяй Вярхоўнага суда Казахскай ССР 20.9.1957 з-за недаказанасці складу злачынства.

Кр.: Книга Скорби.

Кр. геагр.: Волости и важнейшие селения; Назвы населеных пунктаў.