ЗЯНОВІЧ Віктар Міхайлавіч

[1901, в. Оршаль (?) Мінскай губ., цяпер Старадарожскі р-н Мінскай вобл. — 20.3.1938, Масква, НКВД], архітэктар. З бел. сялянскай сям’і. Атрымаў вышэйшую адукацыю. Быў членам ВКП(б). Падчас арышту архітэктар-рэферэнт аддзела праектавання Массавета. Арыштаваны 5.9.1937 у Маскве па адрасе: вул. Мытная, д. 23, кв. 46. Асуджаны камісіяй НКВД і пракуратуры СССР 15.2.1938 за «шпіянаж на карысць Польшчы» да ВМП. Расстраляны на палігоне НКВД «Аб’ект Бутава». Рэабілітаваны ваеннай калегіяй Вярхоўнага суда СССР 10.8.1958. Асабовая справа З. № П-23551 захоўваецца ў ДА РФ.

Кр.: Бутовский Полигон.

Кр. геагр.: Назвы населеных пунктаў.

[Паводле кнігі: т. III, кн. 1, с. 419]