КАЛАСОЎСКІ Уладзімір Сцяпанавіч

[1897, в. Лукавіца або Луконіца Гродзенскай губ., цяпер Гродзенская вобл. — 13.8.1938, Масква, НКВД], інжынер. З бел. сялянскай сям’і. Атрымаў вышэйшую адукацыю. Апошняе месца работы — начальнік аддзела будаўнічых дэталяў «Мосснабкультстроя». Арыштаваны 20.2.1938 у Маскве па адрасе: вул. Станкевіча, д. 16/4, кв. 57. Асуджаны пастановай камісіі НКВД і пракуратуры СССР ад 29.7.1938 як «завербаваны японскім консульствам у Харбіне» і за «шпіёнскую дзейнасць» да ВМП. Расстраляны на палігоне НКВД «Аб’ект Бутава». Асабовая справа К. П-38788 захоўваецца ў ДА РФ.

Кр.: Бутовский Полигон.

Кр. геагр.: Рапановіч. Слоўнік геаграфічных назваў.