ЖЫНЬКО Якаў Іванавіч

[1896, Мінская губ., цяпер Мінская (?) вобл. — 22.8.1937, Масква, НКВД], вайсковец. З бел. сялянскай сям’і. Атрымаў вышэйшую адукацыю. Уступіў у ВКП(б). Падчас арышту палкоўнік, нам. армейскага інспектара БВА. Арыштаваны 14.5.1937 у Маскве па адрасе: вул. Вялікая Паштовая, д. 18/20, кв. 8. Асуджаны ваеннай калегіяй Вярхоўнага суда СССР 22.8.1937 за «ўдзел у антысавецкай тэрарыстычнай арганізацыі» да ВМП. Расстраляны і пахаваны разам з іншымі ахвярамі на Данскіх могілках. Рэабілітаваны 11.8.1956.

Кр.: Расстрельные списки: Донское кладбище.