ВЯРХОЎСКІ Іван Радзівонавіч

[1895, в. Бутава Лепельскага пав. Віцебскай губ., цяпер Ушацкі р-н Віцебскай вобл. — ?], навуковец. З бел. сялянскай сям’і. Атрымаў вышэйшую адукацыю. Быў членам ВКП(б). Працаваў асістэнтам у «ТЭМІІТ» (?). Арыштаваны 1.11.1936 у Томску. Асуджаны ваеннай калегіяй Вярхоўнага суда СССР 29.4.1937 як «член трацкісцкай тэрарыстычнай арганізацыі» да 10 гадоў папраўча-працоўных лагераў і 5 гадоў пазбаўлення правоў. Далейшы лёс невядомы. Рэабілітаваны 13.4.1956.

Кр.: Книга памяти томичей.

Кр.: Рапановіч. Слоўнік геаграфічных назваў.