КРАЧКОЎСКІ Антон Міхайлавіч

[1894 ці 1899, мяст. Радашковічы Вілейскага пав. Віленскай губ., цяпер Маладзечанскі р-н Мінскай вобл. — 20.12.1937, Ленінград, НКВД], педагог. З бел. сялянскай сям’і. Атрымаў вышэйшую адукацыю. Арыштаваны 22.7.1924. Асуджаны 26.9.1924 паводле пастановы калегіі АДПУ СССР за «нелегальны пераход мяжы» да 3 гадоў папраўча-працоўных работ. Этапаваны ў Салавецкі канцлагер АДПУ Карэльскай АССР (Кемь). Падчас другога арышту (23.11.1937) загадчык пачатковай школы в. Круцец Калінінскай вобл., Расія. 14.12.1937 асуджаны камісіяй НКВД і пракуратуры СССР за «здраду радзіме» да ВМП. Расстраляны. Па першай справе № 34116-с (захоўваецца з фотаздымкам ў архіве КДБ Беларусі) рэабілітаваны пpакуpатуpай БВА 8.6.1992.

Кр.: Ленинградский мартиролог.

Кр. геагр.: Волости и важнейшие селения.