ВЯЛІЧКА Платон Іванавіч

[1893, в. Касцюковічы Клімавіцкага пав. Магілёўскай губ., цяпер райцэнтр Магілёўскай вобл. — ?, ГУЛАГ], службовец. З бел. сялянскай сям’і. Працаваў в. а. начальніка харчовай базы. 24.2.1938 узяты пад варту у Беламорска-Балтыйскім канцлагеры НКВД Мядзведжагорскага р-на Карэла-Фінскай АССР. Асуджаны «тройкай» НКВД 21.3.1938 за «антысавецкую агітацыю» да ВМП. Расстраляны на ст. Мядзведжая Гара (Сандармох). Дата смерці невядома. Рэабілітаваны Вярхоўным судом Карэльскай АССР 28.3.1958.

Кр.: Інфармацыя з базы даных Ю.А. Дзмітрыева.