ГЕРЦЫК Ілья Якаўлевіч

[1872, Мінск — 21.7.1938, Акцюбінск, ГУЛАГ], навуковец, брат Абрама Герцыка. З мяшчанскай сям’і. Быў членам Бунда. Падчас арышту дацэнт БДУ. Быў жанаты, гадаваў дваіх дзяцей. Арыштаваны 2.3.1931. Асуджаны паводле пастановы калегіі АДПУ СССР ад 23.7.1931 як «член контррэвалюцыйнай арганізацыі» і за «шкодніцтва» да 10 гадоў папраўча-працоўных работ. Загінуў у адным з канцлагераў НКВД Казахскай ССР (?). Рэабілітаваны судовай калегіяй па крымінальных справах Вярхоўнага суда БССР 11.10.1957. Асабовая справа Г. № 11457-с захоўваецца ў архіве КДБ Беларусі.