ПІВАВАРАЎ Уладзімір Іванавіч

[1904, в. Сямёнаўка Рагачоўскага пав. Магілёўскай губ., цяпер Рагачоўскі р-н Гомельскай вобл. — 28.8.1941, Варкута, ГУЛАГ], фізік. Скончыў БДУ. Працаваў навуковым супрацоўнікам Фізіка-тэхнічнага інстытута БелАН. У 1937—38 наркам асветы БССР. Арыштаваны 2.7.1938. Ваеннай калегіяй Вярхоўнага суда СССР 29.5.1940 прыгавораны да 15 гадоў лагераў. Удзельнічаў у паўстанні палітвязняў. Памёр у Печлагу (Варкута). Рэабілітаваны 25.12.1954.

Літ.: Возвращенные имена.