МАЦЮКЕВІЧ Іосіф Ігнатавіч

[26.9.1890, в. Гернікі Слонімскага пав. Гродзенскай губ., цяпер Дзятлаўскі р-н Гродзенскай вобл. — 16.9.1938, Мінск, НКВД], лінгвіст. Скончыў БДУ. З кастр. 1930 вучоны сакратар, з ліп. намеснік дырэктара Інстытута мовазнаўства БелАН. Прымаў удзел у падрыхтоўцы рэформы бел. правапісу. Арыштаваны ДПУ БССР 31.10.1933 па справе «Беларускага нацыянальнага цэнтра». Пастановай пазасудовага органа ад 9.1.1934 зняволены ў лагерах на 5 гадоў. 2.7.1938 Ваеннай калегіяй Вярхоўнага суда СССР прыгавораны да расстрэлу. Расстраляны ў Мінску. Па першым прыгаворы рэабілітаваны 16.8.1956; па другім — 21.11.1956.

Літ.: Возвращенные имена; Спадчына. 2001, № 3. С. 46—47.