ЛЕЦКА Раман

[1912 ?, хутар Вярбіца Навагрудскага пав. Мінскай губ., цяпер Навагрудскі р-н Гродзенскай вобл. — 1993, Навагрудак], самадзейны мастак, краязнавец, калекцыянер. У 1920-х г. вучыўся ў Навагрудскай беларускай гімназіі. Скончыўшы дарожныя курсы, працаваў пры гарадской управе майстрам на пабудове дарог. Вязень ГУЛАГу. Пасля вызвалення вярнуўся ў Навагрудак. З юнацкіх гадоў збіраў этнаграфічныя і краязнаўчыя матэрыялы, найперш па Навагрудчыне, меў багатую калекцыю бел. віленскіх выданняў.

Літ.: Чэмер А. [Анішчык А.]. Наваградская беларуская гімназія. Вільнюс, 1997.