ДОЎНАР Іван Сямёнавіч

[11.9.1902, в. Гонча Мінскай губ. — 25.1.1982, Маладзечна], эканаміст. У 1927 скончыў БДУ. Вучыўся ў аспірантуры БелАН. У 1933 навуковы супрацоўнік Інстытута эканомікі БелАН. Арыштаваны ДПУ БССР 11.9.1933 па справе «Беларускага нацыянальнага цэнтра». Калегіяй АДПУ 19.5.1934 прыгавораны да 10 гадоў лагераў. Тэрмін пакарання адбываў на Салаўках; з 1940 у Нарыльску. Атрымаў паўторны тэрмін зняволення. Вызвалены ў 1948. З 1952 жыў у Маладзечне. Рэабілітаваны 16.8.1956.

Літ.: Возвращенные имена.