ЮШКОЎСКІ Уладзіслаў Дамінікавіч

[14.1.1901, Віцебск –
4.10.1940, ГУЛАГ]. З сялянскай сям’і. Працаваў дырэктарам школы ў Сянно Віцебскай вобл. Быў жанаты, гадаваў дзіця. Уступіў у ВКП(б). Арыштаваны 8.1.1938. Асуджаны 23.12.1939 асобай нарадай пры НКВД за “антысавецкую дзейнасць” і як “член контррэвалюцыйнай арганізацыі” да 3 гадоў ППЛ. Этапаваны ў Паўночна-чыгуначны лагер НКВД Комі АССР. Загінуў у зняволенні. Рэабілітаваны Віцебскім абл. судом 3.4.1970. Асабовая справа Ю. № 13832-п захоўваецца ў архіве УКДБ Віцебскай вобл.